كوكى بنت الفادى
عضو مبارك
عدد المشاركات : 806
العمر : 43
البلد : دمياط
العمل : خادمة الرب
تاريخ التسجيل : 30/07/2008
 | موضوع: بيقولوا محتاج عكاز مهداه الى قداسة البابا  السبت سبتمبر 27, 2008 11:30 pm | |
| (مهداة لقداسة البابا شنودة الثالث)
بيقولوا هتحتاج عكاز
معقولة يا ولاد؟؟
م إحنا عكازك..
يا للي لفيت البلاد
ولادك..
من سنين
مسنودين..
على عكازك..
************
عكازك
ربنا موجود
القلب مصلوب
لكن البدن مفرود
سندك
صدق الوعود
دفء القلوب
وصبر القبطى
اللى ماله حدود
************
سأل الطبيب
فين الوجع؟
قال في بلادي
والكسر فين؟
في ولادي
والحق على مين؟
مفروض على البادي..
والظلم؟
بطول الـــــوادي!
************
بيقولوا سافرت..
أمال ليه حاسيين
إنك وسطنا
بجد انكسرت؟
الكسر ده في جدار قلبنا..
وحملنا
يا حلمنا
مين يشيله معانا
وعننا..
امتى ترجع لنا..
محتاجين حضنك
يا بابانا
يضمنا..
************
سأل طبيبه
إيه الفرق بين وجع البدن
ووجع الروح؟؟
الأول يومين ويروح
والتاني؟
في القلب سكن..
اجتهد الطبيب
يمكن علاجه يصيب..
وإيه علاج
اللي دائه
الوطن..
************
لا يوم اشتكيت..
ولا انحنيت..
يمكن بكيت..
لكن لا بعت..
ولا اشتريت..
غيرك باع
وتراب الوطن ضاع
وانت واقف زي أسد الكاروز
إرجع يا عيد النيروز
يموت الوالي
ودم الشهدا
يفوز..
************
بيقولوا هتحتاج عكاز
معقولة يا ولاد؟؟
م إحنا عكازك..
يا للي لفيت البلاد
ولادك..
من سنين
مسنودين..
على عكازك | |
|
mad pooh
عضو مبارك
عدد المشاركات : 1597
العمر : 33
تاريخ التسجيل : 13/08/2008
| | موضوع: رد: بيقولوا محتاج عكاز مهداه الى قداسة البابا الأحد سبتمبر 28, 2008 2:12 pm | |
| ايه ياعم الحلاوة دي كلها
بجد تحفة مش عاوزة كلام شكرااااااااااااااااااااااااااااااااااااااا كركر علي مجهودك الرائع
ربنا يباركك والي الامام دائما | |
|
