احببت البطيخ واعتدت في موسم الصيف ان اشتري بطيخة في طريق عودتي من العمل
وفي يوم من الايام استوقفت سيارتي ونزلت لشراء بطيخة من سوق كبير مليء بالبطيخ يوجد فيه كل الاحجام والاسعار
اشتريت واحدة واستعديت للوصول الي المنزل بكل فرح لكي اشق البطيخة نصفين حتي اري ماذا اشتريت وكانت خيبه املي كبيرة اذ وجدت البطيخة كما يقولون في اللفظ الدارج انها قرعة
تسمرت في مكاني من شده خيبتي وفشلي والاكثر من ذلك ان ان زوجتي قارب موعد وصولها وعندما تري فعلتي سوف تسمعني كلمتين ......وهكذا
الاهم من ذلك انه جاء في بالي ان البطيخ كله لون واحد وكله بيشرب ميه واحدة حتي البطيخ الوحش بيفضل يكبر ويكبر
يارب طالما انت عارف انها بطيخة وحشة سايبها تكبر ليه؟؟؟؟؟
هو كدة ربنا يسيبك تحاول تتعب وتجاهد متقلقش عايز شكلك يكون حلو قدام الناس ؟ ماشي
مش عايز حد يلاحظ خطيتك؟ ماشي
مش عايز حد يعرف حاجة عن حياتك الخاصة؟ ماشي
انت خادم حلو الناس بتحبك وبقيت خادم مشهور والخدمة ماتمشيش من غيرك كل ده حلو اوي.... بس حياتك بقي ياشاطر انت المسئول عنها انت اللي تقدر تكون حلو او وحش
كتير بنكون قدام الناس صالحين بلا لوم بس لو ربنا جه وشاف داخليتنا ......ياتري هايشوف ايه؟؟؟؟ هايشوف كل حاجة زي اللي برة ولا هايشوف الخطية وكل حاجة وحشة
الموقف ده خلاني افكر كتير في نفسي وفكرت كتير في ربنا عشان انا بردو زي مازعلت اكيد ربنا بيزعل اوي اوي اوي اوي
تخيلوا انا زعلت عشان خاطر بطيخة وحشة ......ياتري انت اد ايه يارب زعلت عشان خاطر انسان بيهلك
المهم ان ربنا هايسيبك تكبر وسط الناس ومتخافش محدش هايعرف حاجة
خلي بالك من حياتك الداخلية
صلوا من اجل ضعفي