حكاية ابونا يسطس و الشقة شوفوا الى حصل

انا بقى هاحكى لكم على معجزة حصلت معايا انا شخصيا
و صاحبها هو صاحب المنتدى الجميل اللى احنا فيه دة ابونا يسطس
القديس دة انا بس كنت بشوف صورتة و انا صغيرة لكن عمرى ما فكرت انى اعرف سيرتة و اكتشفت لما كبرت انى خسرت كتير لما مكنتش اعرفة
لكن هو عرفنى بنفسة بعد كدة
المهم انا اتخطبت يوم 4/5 /2008
و كانت المشكلة كلها الشقة
و سيبنا الموضوع على ربنا و كنا واثقين فيه جدا انه هايبعت
المهم لاقيت شقة عجبتنى جدا انا و خطيبى
و كنا عايزنها اوى بس هى كانت زيادة عن الفلوس اللى معانا ب 10 الاف جنية
و حمايا كان شايف انها غالية الصراحة زعلنا انا و خطيبى لان الشقة كانت حلوة جدا و خسارة تضيع
لكن سيبنا الموضوع لربنا
المهم انا فى اليوم دة كنت مضايقة جدا
فقلت هاطلع لجارتنا و اتكلم معاها يمكن انسى موضوع الشقة
و انا نازلة من عندها شوفت كتاب لابونا يسطس و قلت لها انا هاخدة اقره و ارجعه تانى ووافقت
و انا عمالة اقرا الكتاب عاتبت ابونا يسطس و قلتله انا الشقة عجبانى انا و خطيبى
و انا عارفة ان الموضوع دة سهل عليك
من فضلك اتدخل
و نمت بعدها
لاقيت تانى يوم
اخو خطيبى بيكلمنى و بيقولى انتى و اخويا ليه زعلانين انا اقنعت بابا انه يكمل العشر الاف جنية و هانشترى الشقة خلاص
فرحت جدا انا و خطيبى و قلنا دةى بركة ابونا يسطس و وعدت ابونا يسطس انه هايكون فى البيت على طول و اول صورة فى البيت هاتكون صورتة بعد المسيح
لان بصراحة الشقة دى مش قتى دة شقة ابونا يسطس
بركتة تكون معانا امين

منقول للامانة
بركتة تكون معانا امين
صلوا من اجلى
فايز فوزى
fayez fawez