النهارده عمري كام
ياه..... كل دى أيام..
أيام وعدت كلها طارت زى الحمام
أيام كانت مضطربة وأيام ساد فيها السلام
أيام اتلونت بلون الفرح
وأيام لبست توب الإحزان
أيام عدت سهله ما حسيتش بيها
وأيام امتلكتني الرهبه وما قدرتش اخبيها
أيام وشهور وسنين
اتكونت فيها ومازلت بكبر
باتعلم فيها كل يوم على قد ما اقدر
بس في كل الأيام دى
الهي دايما موجود
في الأيام اللي فاتت وفى
الأيام اللي جايه أن
كان هايبقى لي وجود
كان في لساني ترنيمه ومازالت
هاتبقى كده على طول
ترنيمه من كلمتين فيها كل المعنى
الرب راعىًَ الهنا معنا
الرب راعىًَ فلم يعوزني شئ ولن يعوزني شئ
الرب راعى فلا يعوزنى شئ !!!
أيديه بالخير ممدوه
بمحبه غير محدودة
طول ثواني السنة المعدودة
مين زيه ؟
مين في جماله ؟
أب حنيني على كل عياله
الحزين بيعزيه ويواسى حاله
والمريض يشفيه وينقذه م اللي جرى له
والحيران بيرشدة ويهديه طريقه.
الرب راعىًَ ترنيمه من كلمتين
تملا الفم ضحك وتنور العين.
جمله قصيرة عشتها وشفته
ا طول ألسنه الطويلة
حسيتها ولمستها طول النهار
وعلى المخدة كل ليله
أصحى الصبح أشكره إنه إدانى صبح جديد
شمسه تنور طريقي وفى نهاري اعمل ما يفيد
سياجة حواليًَ بيحيط بى من كل جانب
معاه حاسس بالنجاح حاسس إنى غالب
الرب راعى حتى لو الشمس غابت
يطلع قمره في السما
بشعاعه يشق الظلام يمنح السلام والحما
يرؤًحنى بيتي سالم غانم قرير العين مسرور
أنام فى حضنه وأدفى , ويصحينى تانى يوم في النور
وتدور الدورة تانى , وكل يوم على هذا الحال
هو بيرعانى ويرعى مراتى , وهو الأب الحقيقي للعيال
وأنا عيل معاهم , كلنا لينا أب واحد
نعول الهم ليه؟! وفى شيل الهموم هو أحسن واحد
الرب راعىًَ .. خليه ده اختبارك , عيشه كل يوم واحكيه لجارك.
شعر واختبار
حسنى ابراهيم دانيال
31/12/2007
السبت يناير 05, 2008 12:29 am
